Pebrero 22, 2010.
Muli ay ipinakita ng mga manininda ang pagkakaisa sa pamamagitan ng pagsasara ng tindahan ngayong araw. Mamamayang ika-10 ng umaga ay magkakaroon ng programa sa highway, sa harap ng Palengke upang ipanawagan sa malawak na mamamayan ng Cuenca ang paglahok sa gaganaping dayalogo sa pagitan ng mga manininda at Gob. Vilma Santos-Recto.
Makakasama ng mga taga-Cuenca ang iba pang mamamayang Batangueño mula sa iba't-ibang bayan bilang suporta sa panawagan na ibasura na ang tangkang pagsasapribado ng palengke. Dahil kapag natuloy ang tangkang pribatisasyon sa Cuenca ay hindi malayong mangyari din ito sa ibang bayan ng Batangas.
Punong-puno ng anomalya ang proyektong isapribado ang pamilihang bayan ng Cuenca na isinusulong ni Mayor Celerino Endaya at mga kasabwat nyang konsehal. Dalawang beses nang ibinasura ng Sangguniang Panlalawigan ang kanilang panukala dahil sa hindi pagsunod sa proseso na naaayon sa batas. At nang maaprubahan ng SP ang kanilang ordinansa ay binulaga agad ang mga manininda ng pagraratipika ng kontrata sa pagitan ng Pamahalaang Bayan at Ithiel Corporation. Hindi pa man nare-review ng SP ang kontrata ay agad ding naglabas ng "Abiso ng Paglisan" ang opisina ng punungbayan sa mga manininda.
Sa ating pagkakaisa at pagsusumikap, napansin ng Sangguniang Panlalawigan ang mga iregularidad sa ginawang proseso ng pamahalaang bayan ng Cuenca at ibinasura ang kontrata.
Ang nakamit natin ay isang tagumpay na. Napatunayan natin na walang bisa ang abiso na pinadala ng mayor. At sa pagkakabasura ng kontrata, obligado silang sumunod sa prosesong naaayon sa batas.
Ngunit talagang mapilit ang mga nagsusulong ng pribatisasyon ng palengke. Sa gitna ng pagkakabasura ng kontrata, pilit na hinihikayat ang mga manininda na gibain ang kanilang pwesto lalo na ang mga may-ari ng pwesto na pinauupahan. Ang isang kamag-anak ni mayor ay nagpadala sa dikta at giniba ang pwesto.ng walang pagsaalang-alang sa mawawalan ng kabuhayan ng umuupa sa pwestong canteen.
Hindi pa rin tapos ang usapin ng pribatisasyon dahil buhay pa ang ordinansang nagpapahintulot sa pagsasapribado ng palengke. Hangga't hindi ito nababasura, nananatili ang banta ng pribatisasyon.
Kaya, ipinapanawagan natin ang pagbabasura ng ng ordinansa ng Sangguniang Bayan ng Cuenca. Ilalapit natin sa ating Gobernadora ang pagpapatigil ng proyektong pribatisasyon ng pamilihang bayan at pigilan ang banta ng demolisyon.
Tulad ng mga nauna nating pagkilos, makakamit lamang natin ang ating mga hiling at panawagan kung tayo ay nagkakaisa. Makilahok tayo at sumama sa pagkilos ng mamamayang Batangueño upang mahinto na ang tangkang pribatisasyon ng palengke at mga proyektong hindi maka-mamamayan!
-Solidarity of Cuenca Residents Against Privatization (SCRAP)
Monday, February 22, 2010
Monday, February 8, 2010
Kundenahin ang "Dirty Tactics" ng Nagsusulong ng Pribatisasyon ng Pamilihang Bayan!
Kaninang umaga ay may nag-"self-demolish" ng pwesto sa palengke. Napag-alaman natin na ang naggiba ng pwesto ay isang kamag-anak ng mayor at ipinapaupa na lamang ang kanyang pwestong canteen. Sa gitna ng pagbabayad ng tama, wala man lang konsiderasyon ang may-ari sa umuupa na mawawalan ng kabuhayan.
Bakit ngayon lang nila binalak gibain ang kanilang pwesto? At kahit na napatunayan sa Sangguniang Panlalawigan na iligal ang kontrata ng Ithiel Corp. at Pamahalaang Bayan, ay nagpadala sa dikta ng mayor ang may-ari.
Malinaw na ito ay isa lamang sa mga taktika ng administrasyon upang hatiin ang pagkakaisa ng mga manininda. Gusto nilang ipalabas na matutuloy pa rin ang proyekto. Ni ang sira-sirang temporary market at ginagawa na ulit. Sanay na tayo sa ganyang taktika. Kahit nung umpisahang gawin ang temporary market ay hindi tayo natinag.
Malaki ang nakamit nating tagumpay sa Sangguniang Panlalawigan dahil sa mahigpit nating pagkakaisa. Ang kasama nating inalisan nila ng kabuhayan ay tutulungan nating makabangon muli. Patuloy nating lalabanan ang tangkang pagsasapribado ng ating palengke.
Kaninang umaga rin ay nagpatawag ng Special Session ang Sangguniang Bayan hinggil sa pagbabasura ng Sangguniang Panlalawigan sa kontrata ng Ithiel Corporation at Pamahalaang Bayan. Binanggit ni Konsehal Arada na hindi daw dumaan sa "due process" ang pagbabasura sa kontrata. Ngunit malinaw na malinaw na kaya ibinasura ang kontrata nila ay dahil sila(ang Sangguniang Bayan) ang hindi dumaan sa tamang proseso. Mukhang tama-tama ang isinisigaw ng mamamayan ng Cuenca sa mga mobilisasyon, "ARADA, TUTA!"
Tagumpay ng Mamamayan: Tangkang Pribatisasyon ng Palengke ng Cuenca, Bigo na Naman!
Noong Pebrero 4, 2010, ay pumunta ang mga manininda at iba pang sektor ng Cuenca sa Kapitolyo upang dumalo sa regular session ng Sangguniang Panlalawigan. Sa regular session na ito ay nakatakdang magbigay ng privilege speech si Atty. Chona Dimayuga, bokal ng ikatlong distrito, hinggil sa ordinansa ng Sangguniang Bayan ng Cuenca na naglalayong ipa-upa ang kasalukuyang Pamilihang Bayan ng Cuenca sa pribadong indibidwal at/o korporasyon.
Bago ito, noong ika-10 ng Disyembre 2009, inaprubahan ng Sangguniang Panlalawigan ng Batangas sa kanilang regular session ang nabanggit na ordinansa ng Sangguniang Bayan ng Cuenca. Ngunit noong Enero 25 lamang nagpadala ng kopya ng resolusyon ng Sangguniang Panlalawigan na nag-aapruba sa ordinansa. Ngunit noong Enero 20 pa lang, ay naratipika na ng Sangguniang Bayan ang kontrata sa pagitan ng Pamahalaang Bayan at Ithiel Corporation hinggil sa pagsasapribado ng Palengke.
Simula noong Enero 25, ay nagpadala na agad ng "Abiso ng Paglisan o Paglipat" sa mga manininda ang Opisina ng Punong Bayan. At isinasaad sa abiso na binibigyan ng kapangyarihan ng Sangguniang Bayan at ng Sangguniaang Panlalawigan ang mayor na makipag-kontrata sa Ithiel Corporation para sa pagpapagawa at operasyon ng palengke. At binibigyan lamang ang mga manininda ng hanggang 30-araw mula nang matanggap ang abiso upang lisanin ang pwesto sa palengke at lumipat sa itinayong temporary market na nasa kalsada. At kung hindi daw susunod ay sila na ang gigiba.
Nakakabahala ang pagbabalewala ng Punong Bayan at Sangguniang Bayan sa pagsunod sa tamang proseso. Animo'y mulat silang lumalabag sa batas para lamang maisulong ang pagsasapribado ng pamilihang bayan dahil ito ay ikatlong beses na silang nagpasa ng resolusyon/ordinansa para isulong ang pribatisasyon ng palengke. Malinaw sa atin na hindi kapakanan ng mamamayan ang iniisip nila dahil kung kapakanan ng mamamayan at matuwid ang kanilang layunin, igagalang nila ang batas at susunod sila sa tamang proseso na itinakda ng batas.
Ganun pa man, hindi nagpadala sa takot ang mga manininda.Tuloy-tuloy ang mga panawagan ng mamamayan sa pangunguna ng Solidarity of Cuenca Residents Against Privatization(SCRAP), Organisadong Manininda sa Pamilihang Bayan ng Cuenca(OMPBC), Anakpawis Partylist at Kabataan Partylist sa pagtutol sa pagsasapribado ng palengke upang makuha ang suporta ng iba pang mamamayan at ipatampok sa buong lalawigan at mariing pagtutol ng mamamayan sa pagsasapribado ng palengke. Patuloy na nagbabantay sa gabi ang mga manininda upang mapigil ang anumang masamang balakin ng mga nagsusulong ng pribatisasyon ng palengke. Dahil dito, hindi lamang natin nakuha ang suporta ng mamamayan ng Cuenca kundi pati ang suporta ng mamamayang Batanggenyo. Nakuha rin natin ang atensyon ng Sangguniang Panlalawigan gayundin ang iba pang mga pulitiko.
Sa binanggit ni Bokal Dimayuga sa kanyang privilege speech, nilinaw nya na ang pag-apruba sa ordinansa ng Sangguniang Bayan hinggil sa pagsasapribado ng Palengke ay hindi pwedeng gamitin na dahilan ng Sangguniang Bayan para makipagkontrata na sa Ithiel Corporation. Nilinaw din ni Bokal Dimayuga na ang kontrata sa pagitan ng Sangguniang Bayan at Ithiel Corporation ay hindi naaayon sa batas. At dahil dito, hindi pa man napagtatalakayan ang laman ng kontrata ng nakakasakop na komite ng SP ay naghain ng mosyon si Bokal Dimayuga na i-disapprove ang kontrata. At ito ay sinang-ayunan ng mga Bokal. Kahit kapartido ang kasalukuyang mayor ng Cuenca ay nagpahayag din ng suporta ang mayor ng Malvar at tumatakbong konggresista ng ikatlong distrito na si Tita Cuevas Reyes. Ginawa nyang halimbawa ang palengke ng kanyang bayan na naipagawa at napaganda nang hindi isinasapribado.
Sa ating sama-samang pagkilos at pagkakaisa ay nakuha natin ang pansin ng mga nanunungkulan sa Sangguniang Panlalawigan. Kahit tayo ay pinadalhan na ng "Notice to Vacate" ay hindi tayo natinag. Hindi nagtagumpay ang mga nagsusulong ng pribatisasyon na hatiin ang ating hanay.
Ngunit hindi pa lubos ang ating tagumpay. Nananatiling nakatayo ang temporary market ng Ithiel Corporation na sagabal sa trapiko at "parking" na pahirap sa atin at sa mga mamimili. Andyan pa rin at nakaupo sa Pamahalaang Bayan ang mga nagsusulong ng pribatisasyon ng ating palengke. Hindi pa rin naaalis ang banta sa ating mga kabuhayan.
Kaya't patuloy nating palakasin ang ating hanay. Ipagpatuloy ang pakikibaka laban sa pribatisasyon. Bantayan natin at tutulan ang mga proyektong anti-mamamayan. Isulong ang tunay na kaunlaran. Kaunlaran ng mamamayan at hindi ng iilan lamang.
Isang mataas na pagpupugay sa mamamayan ng Cuenca! Ipagbunyi natin ang ating mga tagumpay!
-Solidarity of Cuenca Residents Against Privatization(SCRAP)
-Organisadong Manininda sa Pamilihang Bayan ng Cuenca(OMPBC)
-ANAKPAWIS Partylist- Cuenca Chapter
-Kabataan Partylist- Cuenca Chapter
Bago ito, noong ika-10 ng Disyembre 2009, inaprubahan ng Sangguniang Panlalawigan ng Batangas sa kanilang regular session ang nabanggit na ordinansa ng Sangguniang Bayan ng Cuenca. Ngunit noong Enero 25 lamang nagpadala ng kopya ng resolusyon ng Sangguniang Panlalawigan na nag-aapruba sa ordinansa. Ngunit noong Enero 20 pa lang, ay naratipika na ng Sangguniang Bayan ang kontrata sa pagitan ng Pamahalaang Bayan at Ithiel Corporation hinggil sa pagsasapribado ng Palengke.
Simula noong Enero 25, ay nagpadala na agad ng "Abiso ng Paglisan o Paglipat" sa mga manininda ang Opisina ng Punong Bayan. At isinasaad sa abiso na binibigyan ng kapangyarihan ng Sangguniang Bayan at ng Sangguniaang Panlalawigan ang mayor na makipag-kontrata sa Ithiel Corporation para sa pagpapagawa at operasyon ng palengke. At binibigyan lamang ang mga manininda ng hanggang 30-araw mula nang matanggap ang abiso upang lisanin ang pwesto sa palengke at lumipat sa itinayong temporary market na nasa kalsada. At kung hindi daw susunod ay sila na ang gigiba.
Nakakabahala ang pagbabalewala ng Punong Bayan at Sangguniang Bayan sa pagsunod sa tamang proseso. Animo'y mulat silang lumalabag sa batas para lamang maisulong ang pagsasapribado ng pamilihang bayan dahil ito ay ikatlong beses na silang nagpasa ng resolusyon/ordinansa para isulong ang pribatisasyon ng palengke. Malinaw sa atin na hindi kapakanan ng mamamayan ang iniisip nila dahil kung kapakanan ng mamamayan at matuwid ang kanilang layunin, igagalang nila ang batas at susunod sila sa tamang proseso na itinakda ng batas.
Ganun pa man, hindi nagpadala sa takot ang mga manininda.Tuloy-tuloy ang mga panawagan ng mamamayan sa pangunguna ng Solidarity of Cuenca Residents Against Privatization(SCRAP), Organisadong Manininda sa Pamilihang Bayan ng Cuenca(OMPBC), Anakpawis Partylist at Kabataan Partylist sa pagtutol sa pagsasapribado ng palengke upang makuha ang suporta ng iba pang mamamayan at ipatampok sa buong lalawigan at mariing pagtutol ng mamamayan sa pagsasapribado ng palengke. Patuloy na nagbabantay sa gabi ang mga manininda upang mapigil ang anumang masamang balakin ng mga nagsusulong ng pribatisasyon ng palengke. Dahil dito, hindi lamang natin nakuha ang suporta ng mamamayan ng Cuenca kundi pati ang suporta ng mamamayang Batanggenyo. Nakuha rin natin ang atensyon ng Sangguniang Panlalawigan gayundin ang iba pang mga pulitiko.
Sa binanggit ni Bokal Dimayuga sa kanyang privilege speech, nilinaw nya na ang pag-apruba sa ordinansa ng Sangguniang Bayan hinggil sa pagsasapribado ng Palengke ay hindi pwedeng gamitin na dahilan ng Sangguniang Bayan para makipagkontrata na sa Ithiel Corporation. Nilinaw din ni Bokal Dimayuga na ang kontrata sa pagitan ng Sangguniang Bayan at Ithiel Corporation ay hindi naaayon sa batas. At dahil dito, hindi pa man napagtatalakayan ang laman ng kontrata ng nakakasakop na komite ng SP ay naghain ng mosyon si Bokal Dimayuga na i-disapprove ang kontrata. At ito ay sinang-ayunan ng mga Bokal. Kahit kapartido ang kasalukuyang mayor ng Cuenca ay nagpahayag din ng suporta ang mayor ng Malvar at tumatakbong konggresista ng ikatlong distrito na si Tita Cuevas Reyes. Ginawa nyang halimbawa ang palengke ng kanyang bayan na naipagawa at napaganda nang hindi isinasapribado.
Sa ating sama-samang pagkilos at pagkakaisa ay nakuha natin ang pansin ng mga nanunungkulan sa Sangguniang Panlalawigan. Kahit tayo ay pinadalhan na ng "Notice to Vacate" ay hindi tayo natinag. Hindi nagtagumpay ang mga nagsusulong ng pribatisasyon na hatiin ang ating hanay.
Ngunit hindi pa lubos ang ating tagumpay. Nananatiling nakatayo ang temporary market ng Ithiel Corporation na sagabal sa trapiko at "parking" na pahirap sa atin at sa mga mamimili. Andyan pa rin at nakaupo sa Pamahalaang Bayan ang mga nagsusulong ng pribatisasyon ng ating palengke. Hindi pa rin naaalis ang banta sa ating mga kabuhayan.
Kaya't patuloy nating palakasin ang ating hanay. Ipagpatuloy ang pakikibaka laban sa pribatisasyon. Bantayan natin at tutulan ang mga proyektong anti-mamamayan. Isulong ang tunay na kaunlaran. Kaunlaran ng mamamayan at hindi ng iilan lamang.
Isang mataas na pagpupugay sa mamamayan ng Cuenca! Ipagbunyi natin ang ating mga tagumpay!
-Solidarity of Cuenca Residents Against Privatization(SCRAP)
-Organisadong Manininda sa Pamilihang Bayan ng Cuenca(OMPBC)
-ANAKPAWIS Partylist- Cuenca Chapter
-Kabataan Partylist- Cuenca Chapter
Ibinasurang Tangka ng Pribatisasyon ng Palengke, Muling Binubuhay: MGA MAMAMAYAN NG CUENCA, TULOY-TULOY ANG PROTESTA!
Solidarity of Cuenca Residents Against Privatization (SCRAP)
PRESS RELEASE
January 18, 2010
Ibinasurang Tangka ng Pribatisasyon ng Palengke, Muling Binubuhay:
MGA MAMAMAYAN NG CUENCA, TULOY-TULOY ANG PROTESTA!
Cuenca, Batangas. Sa inilunsad na PRESS CONFERENCE kaninang umaga, January 18, sa La Virginia Resort, Mataas na Kahoy, Batangas, ng mga manininda sa Pamilihang Bayan ng Cuenca, sa pangunguna ng Solidarity of Cuenca Residents Against Privatization (SCRAP) ay muling inihayag ng mga manininda at residente ng nasabing bayan ang pagtutol sa balaking pribatisasyon sa kanilang palengke. Kasunod ito ng inilunsad na pagkilos ng mga mamamayan noong ika-11 ng Enero na nilahukan ng libong mamamayan at sinabayan pa ng sabay-sabay na pagsasara ng kanilang mga tindahan sa pamilihang bayan ng Cuenca bilang ibayo pang pagpapakita ng protesta.
“Pebrero 2009 nang unang umugong ang bantang pribatisasyon ng Pamilihang Bayan ng Cuenca. Diumano isasaayos ang mga pasilidad ng palengke subalit gagastusan ito ng ITHIEL Corporation sa ilalim ng kontratang tatagal hanggang 35 taon. Sa ilalim ng ganitong programa, sa ITHIEL Corp. na magbabayad ang mga mamininida ng singil sa puwesto at iba pang mga bayarin. Ngunit dahil sa pribadong korporasyon ang ITHIEL, mas mataas na nang ilang ulit kaysa dating binabayaran ang papasanin ng mga manininda,” pagsasaad ni Pol Teodocio, Tagapangulo ng SCRAP.
Mula noon ay sunod-sunod nang naglunsad ng mga aksyon at pagkilos ang mga mamamayan bilang pagtutol sa nasabing programa. Aug.12, 2009 ay binawi ng Sangguniang Bayan ng Cuenca ang nasabing resolusyon sa gitna ng mga pakikipag-dayalogo, pagsasampa ng kaso sa Ombudsman at Sangguniang Panlalawigan at malalaking pagkilos ng mamamayan.
“Talagang sasalubungin ng protesta ng mga manininda at mamamayan ng Cuenca ang panukalang pribatisasyon dahil ibayong pahirap ang idudulot nito sa mga maliliit na manininda at manggagawa sa loob ng pamilihang bayan. Dagdag pang pahirap ang probisyon nito na taun-taon ay magpapatuloy din ang mga pagtataas sa renta at iba pang bayarin,” pahayag naman ni Tess Jumarang, Pangulo ng Organisadong Manininda sa Pamilihang Bayan ng Cuenca (OMPBC).
Pagpasok ng Nobyembre 2009 ay binuhay na naman ang ordinansang nakasalang sa Sangguniang Bayan kaugnay ng pribatisasyon. May ilang binago o “amendments” sa ordinansa na naunang nadis-apruba ng Sangguniang Panlalawigan ngunit ang layunin ay hindi nagbabago.
“Hangga’t hindi tuluyang binibitawan ng pamahalaang bayan ng Cuenca sa pangunguna ni Mayor Celerino Endaya ang bantang pribatisasyon ng pamilihang bayan, hindi rin titigil ang mga mamamayan sa sunod-sunod at malakihang protestang ilulunsad. Hindi kami makakapayag ng maisakatuparan ang pribatisasyon dahil ngayon pa nga lang, wala pang karagdagang mga singil ay maliit lamang ang tinutubo ng maraming manininda dahil sa krisis pang-ekonomiya at taas ng puhunan sa batayang bilihin, higit pang liliit ang maiuuwi namin sa aming mga pamilya kapag nagpatuloy ito,” dagag pa ni Teodosio.
“Sa bawat pagkilos laban sa pribatisasyon na ilulunsad pa namin hanggang sa susunod na mga araw, makakaasa ang mga manininda at mamamayan ng Cuenca na laging kasama kaming mga kabataan. Oras na maging pribado na ang palengke, liliit ang kikitain ng aming mga magulang at mapipilitan ang mga manininda na magtaas ng presyo, kaya apektado rin kami. Paano pa kami makakapag-aral kung karampot na lamang ang kikitain at mataas naman ang presyo ng mga pangunahing pangangailangan?” agam-agam ni Dhan Angelo Atienza, Tagapangulo ng KABATAAN Partylist Cuenca Chapter.
Ayon naman kay Manuelito Pasia, “nakapaloob sa pangkalahatang iskema sa ilalim ng rehimen ni GMA ang pribatisasyon sa lahat ng mga pampublikong serbisyo, instrumento nito ang mga lokal na pamahalaan katulad ni Mayor Endaya. Mula pa man noon, ang interes lamang ng malalaking korporasyon ang tinutugunan ni GMA at patuloy na binabalewala ang interes naming maliliit na mamamayan.”
Kaugnay nito, hinahamon naman ng Bagong Alyansang Makabayan ang lahat ng mga kakandidatong pulitiko at naghahangad na makuha ang suporta ng mamamayan ng Cuenca na “tanging ang mga personahe lamang na lantaran at aktibong kaisa ng mamamayan laban sa pribatisasyon at anti-mamamayang patakaran ang aming susuportahan,” ani Rey Cuevas, BAYAN – Batangas Public Relations Officer (PRO).
“Kinakailangang malinaw ang programa nila para sa mamamayan at hindi tutulad sa mga nakaluklok na opisyal mula kay GMA hanggang mga lokal na alipores nito na sariling interes ang pinapangibabaw. Ang pribatisasyon ng mga pampublikong serbisyo kailanman ay hindi magsisilbi sa kapakanan ng mamamayan,” pagwawakas pa ni Cuevas.#
PRESS RELEASE
January 18, 2010
Ibinasurang Tangka ng Pribatisasyon ng Palengke, Muling Binubuhay:
MGA MAMAMAYAN NG CUENCA, TULOY-TULOY ANG PROTESTA!
Cuenca, Batangas. Sa inilunsad na PRESS CONFERENCE kaninang umaga, January 18, sa La Virginia Resort, Mataas na Kahoy, Batangas, ng mga manininda sa Pamilihang Bayan ng Cuenca, sa pangunguna ng Solidarity of Cuenca Residents Against Privatization (SCRAP) ay muling inihayag ng mga manininda at residente ng nasabing bayan ang pagtutol sa balaking pribatisasyon sa kanilang palengke. Kasunod ito ng inilunsad na pagkilos ng mga mamamayan noong ika-11 ng Enero na nilahukan ng libong mamamayan at sinabayan pa ng sabay-sabay na pagsasara ng kanilang mga tindahan sa pamilihang bayan ng Cuenca bilang ibayo pang pagpapakita ng protesta.
“Pebrero 2009 nang unang umugong ang bantang pribatisasyon ng Pamilihang Bayan ng Cuenca. Diumano isasaayos ang mga pasilidad ng palengke subalit gagastusan ito ng ITHIEL Corporation sa ilalim ng kontratang tatagal hanggang 35 taon. Sa ilalim ng ganitong programa, sa ITHIEL Corp. na magbabayad ang mga mamininida ng singil sa puwesto at iba pang mga bayarin. Ngunit dahil sa pribadong korporasyon ang ITHIEL, mas mataas na nang ilang ulit kaysa dating binabayaran ang papasanin ng mga manininda,” pagsasaad ni Pol Teodocio, Tagapangulo ng SCRAP.
Mula noon ay sunod-sunod nang naglunsad ng mga aksyon at pagkilos ang mga mamamayan bilang pagtutol sa nasabing programa. Aug.12, 2009 ay binawi ng Sangguniang Bayan ng Cuenca ang nasabing resolusyon sa gitna ng mga pakikipag-dayalogo, pagsasampa ng kaso sa Ombudsman at Sangguniang Panlalawigan at malalaking pagkilos ng mamamayan.
“Talagang sasalubungin ng protesta ng mga manininda at mamamayan ng Cuenca ang panukalang pribatisasyon dahil ibayong pahirap ang idudulot nito sa mga maliliit na manininda at manggagawa sa loob ng pamilihang bayan. Dagdag pang pahirap ang probisyon nito na taun-taon ay magpapatuloy din ang mga pagtataas sa renta at iba pang bayarin,” pahayag naman ni Tess Jumarang, Pangulo ng Organisadong Manininda sa Pamilihang Bayan ng Cuenca (OMPBC).
Pagpasok ng Nobyembre 2009 ay binuhay na naman ang ordinansang nakasalang sa Sangguniang Bayan kaugnay ng pribatisasyon. May ilang binago o “amendments” sa ordinansa na naunang nadis-apruba ng Sangguniang Panlalawigan ngunit ang layunin ay hindi nagbabago.
“Hangga’t hindi tuluyang binibitawan ng pamahalaang bayan ng Cuenca sa pangunguna ni Mayor Celerino Endaya ang bantang pribatisasyon ng pamilihang bayan, hindi rin titigil ang mga mamamayan sa sunod-sunod at malakihang protestang ilulunsad. Hindi kami makakapayag ng maisakatuparan ang pribatisasyon dahil ngayon pa nga lang, wala pang karagdagang mga singil ay maliit lamang ang tinutubo ng maraming manininda dahil sa krisis pang-ekonomiya at taas ng puhunan sa batayang bilihin, higit pang liliit ang maiuuwi namin sa aming mga pamilya kapag nagpatuloy ito,” dagag pa ni Teodosio.
“Sa bawat pagkilos laban sa pribatisasyon na ilulunsad pa namin hanggang sa susunod na mga araw, makakaasa ang mga manininda at mamamayan ng Cuenca na laging kasama kaming mga kabataan. Oras na maging pribado na ang palengke, liliit ang kikitain ng aming mga magulang at mapipilitan ang mga manininda na magtaas ng presyo, kaya apektado rin kami. Paano pa kami makakapag-aral kung karampot na lamang ang kikitain at mataas naman ang presyo ng mga pangunahing pangangailangan?” agam-agam ni Dhan Angelo Atienza, Tagapangulo ng KABATAAN Partylist Cuenca Chapter.
Ayon naman kay Manuelito Pasia, “nakapaloob sa pangkalahatang iskema sa ilalim ng rehimen ni GMA ang pribatisasyon sa lahat ng mga pampublikong serbisyo, instrumento nito ang mga lokal na pamahalaan katulad ni Mayor Endaya. Mula pa man noon, ang interes lamang ng malalaking korporasyon ang tinutugunan ni GMA at patuloy na binabalewala ang interes naming maliliit na mamamayan.”
Kaugnay nito, hinahamon naman ng Bagong Alyansang Makabayan ang lahat ng mga kakandidatong pulitiko at naghahangad na makuha ang suporta ng mamamayan ng Cuenca na “tanging ang mga personahe lamang na lantaran at aktibong kaisa ng mamamayan laban sa pribatisasyon at anti-mamamayang patakaran ang aming susuportahan,” ani Rey Cuevas, BAYAN – Batangas Public Relations Officer (PRO).
“Kinakailangang malinaw ang programa nila para sa mamamayan at hindi tutulad sa mga nakaluklok na opisyal mula kay GMA hanggang mga lokal na alipores nito na sariling interes ang pinapangibabaw. Ang pribatisasyon ng mga pampublikong serbisyo kailanman ay hindi magsisilbi sa kapakanan ng mamamayan,” pagwawakas pa ni Cuevas.#
Subscribe to:
Posts (Atom)